what a heart sings is poetry!

આમ અચાનક આપ જ્યાં, મળવા આવ્યા ત્યાંજ

રોમે રોમે ઉજવ્યો, અંદરથી તહેવાર - 

* * *

અહિયાં ફર્યું જે રીતથી ત્યાં પણ ફર્યું હશે,

એકાદ પીંછું યાદનું ત્યાં પણ ખર્યું હશે.  
( અંકિત ત્રિવેદી)
* * *

પોથી કરતાં તો  એક સપનું સારું

જે મને જીવવાની લગની લગાડે - (કિરીટ ગોસ્વામી)

* * *

બંધ ઘરની એ ઉદાસીઓ બધી પી જાય છે

એક કોયલ આંગણામાં રોજ ટહુકી જાય છે 

કોઈ પણ હાલત માં ખુશ રહેવાનું મન શીખી ગયું

એટલે મારાં બધાયે દર્દ હાંફી જાય છે -

- (કિરણ ચૌહાણ)

* * *

એક માણસ હારવાનો વારતાના અંતમાં

હું દિલાસો આપવાનો વારતાના અંતમાં

  

જિંદગીભર આપતા આવ્યા છો  જાકારો ભલે 

હું તમારો લાગવાનો વારતાના અંતમાં - (દિનેશ કાનાણી)

* * *

આ તે કઈ રીત છે?

સંબંધના ચણતરમાં લાંબી તિરાડ

અને પાયામાં શરતોની ઈંટ છે.- (આશા પુરોહિત)

* * *

એક ખીલીને 

ભણવા બેસાડી ...

ગ્રેજુએટ થઇ ને આવી

ત્યાં સુધીમાં તો 

એ

સ્ક્રુ બની ગઈ!!  - (જિજ્ઞાસુ દક્ષિણી)

* * *

તળાવ પુરાઈ જાય 

એટલે શું પુરાઈ જાય છે?

 તરસ?  - ( મનીષા જોશી)

* * *

ઝાડ,  તને મારા સોગંદ

સાચું કહેજે એક પંખી ની જેમ કદી ઉડવાનું થાય તને મન ?

ઝાડ,  તને છાંયે બેઠેલો એક માણસ ગમે કે છાંયે  બેઠેલી એક ગાય?

સાંજ પડ્યે પંખી જો પાછું ન આવે તો પાંદડા માં  ડૂમો ભરાય?

છોડ્યું ના છૂટે વળગણ,

સાચું કહેજે એક પંખી ની જેમ હવે  ઉડવાનું થાય તને મન ?

ઝાડ,  તને મારા સોગંદ - (હિતેન આનંદપરા)

* * *

આવે ગઝલ માં  જે રીતે બસ આવવા દીધી,

મેં લાગણી ની કોઈ દી'  માત્રા ગણી નથી.

એથી જ પ્રેમ પામવાની આશ છે હજી

તેં હા કહી નથી મને, ના પણ ભણી નથી. - (મકરંદ મુસળે)